Ижтимоий тармоқларда Тошкeнт аэропорт ёнидаги тeмир йўлдан вагонларда ҳарбий тeхникалар олиб ўтилгани акс этган видео тарқалди. Мудофаа вазирлиги Ахборот хизмати ушбу ҳолатда расмий баёнот берди.
Мудофаа вазирлигининг асосий тадбирлар режасига мувофиқ ҳар йили таъмирлаш заводлари негизида капитал ва ўрта таъмирдан чиқарилган ҳарбий техникаларни қўшинларда режавий алмаштириш ишлари амалга оширилиб борилади.
Ижтимоий тармоқларда тарқалган видеода айнан шу жараёнлар, яъни таъминот ва шахсий таркибни ташиш учун мўлжалланган техникаларнинг қўшинларига юборилиши акс этган, дейилган муносабатда.