Япония ҳукумати COVID-19’га қарши давом этаётган кураш доирасида бугун, 25 март куни Ўзбекистонга 200 минг дозадан ортиқ AstraZeneca вакцинасини тақдим этди.
Вакцинани етказиб бериш COVAX механизми орқали UNICEF билан ҳамкорликда амалга оширилди.
Қайд этилишича, Япония ҳукумати ҳозиргача Ўзбекистонда COVID-19’га қарши курашиш учун жами 10 миллион доллардан ортиқ маблағ ажратган.
Мазкур вакциналар билан биргаликда Ўзбекистон томонидан олинган COVID-19 вакциналарининг умумий сони 61 миллион дозага етди.
COVAX механизми доирасида, UNICEF 2022 йил ўртасига қадар яна 24,6 миллион доза COVID-19'га қарши вакциналарини етказиб беришни режалаштирган.
