Ўзбекистон Ташқи ишлар вазири ўринбосари Шерзод Асадов Президент администрацияси раҳбари ўринбосари – Президент матбуот котиби лавозимига тайинланди.
Бу ҳақда Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов ўзининг Telegram каналида пост қолдирди.
Шерзод Асадов, бунга қадар 2020 йил 19 мартдан Ўзбекистон ташқи ишлар вазири ўринбосари вазифасида ишлаб келаётган эди.
Шунингдек, у Ўзбекистоннинг Австриядаги элчиси, Европада хавфсизлик ва ҳамкорлик ташкилоти ва Вена шаҳридаги бошқа халқаро ташкилотлар ҳузуридаги доимий вакили сифатида ишлаган. Шу билан бирга, Шерзод Асадов ушбу элчихона маслаҳатчиси, Ўзбекистоннинг Австриядаги муваққат ишлар вакили, Ўзбекистон ташқи ишлар вазири ёрдамчиси лавозимларида ишлаган.
