Таълим сифатини назорат қилиш давлат инспекцияси ҳамда Олий ва ўрта махсус таълим вазирлигининг қўшма қарори билан халқаро тан олинган QS, THE, ARWU ташкилотлари томонидан эълон қилинган ОТМлар рейтингида биринчи 1000 талик рўйхатига киритилган олий таълим муассасаларининг 2021 йил учун рўйхати тасдиқланди.
Ушбу рўйхатга киритилган хорижий ОТМларда олинган дипломлар тўғридан-тўғри (махсус синовларсиз) тан олинади.
Жумладан, ушбу рўйхатга АҚШнинг 530 та, Россиянинг 55 та, Буюк Британиянинг 243 та, Хитойнинг 318 та ҳамда Қозоғистоннинг 10 та олий таълим муассасалари киритилган.
