Тошкент шаҳар махсустранс ишлаб чиқариш бошқармаси маслаҳатчиси Исмоил Сагдуллаевнинг айтишича, пойтахт бўйича 606 та чиқинди йиғиш майдончалари мавжуд. Чиқинди йиғиш шохобчаларининг 71 фоизи махсустранс ишлаб чиқариш бошқармасига, қолган 29 фоизи эса хусусий хизмат кўрсатиш шохобчаларига тегишли.
Шаҳар бўйича 1000 та чиқинди шохобчасининг ҳар биридан кунига 2-3 кгдан жами 2 тоннага яқин нон чиқиндига ташланади. Ходимлар ушбу нонларнинг яхшиларини уй ҳайвонларини боқадиган одамларга бериб юборишади. Моғорлаб ёмон бўлиб кетган нонларни ариққа оқизишга мажбур бўлишади.
