Жиноят кодексининг 158-моддаси 3-қисмига киритилган қўшимчага кўра, Ўзбекистон президентини телекоммуникация ёки интернет тармоқларидан фойдаланган ҳолда ҳақоратлаш ёки унга туҳмат қилиш 3 йилгача ахлоқ тузатиш ишлари ёки 2 йилдан 5 йилгача озодликни чеклаш ёхуд 5 йилгача озодликдан маҳрум қилиш билан жазоланади.
Кодексга киритилаётган мазкур қўшимча жорий йил 30 март куни президент томонидан имзоланган “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун билан асослантирилди.
Шу кунга қадар амалда бўлиб келган тартибга кўра, президентни омма олдида ҳақоратлаш ёки унга туҳмат қилиш, шунингдек, мазкур жиноятни матбуот ёки бошқа ОАВдан фойдаланган ҳолда содир этганлик учун жавобгарлик мавжуд бўлган.