Соғлиқни сақлаш вазири Абдуҳаким Хаджибаев COVAX доирасида жорий йилнинг май-июнь ойларида 2 млн доза AstraZeneca, апрель-июнь ойларида эса 3,5 миллион доза ZF-UZ-VAK2001 вакциналарини келтириш режалаштирилганини маълум қилди.
Шунингдек, Санитария-эпидемиологик осойишталик ва жамоат саломатлиги хизмати томонидан Россиядан 1 млн доза Спутник V вакцинаси харид қилиш юзасидан шартнома имзоланмоқда.
Қайд этилишича, бугунги кунда Ўзбекистон олимлари томонидан биринчи COVID-19’га қарши вакцинанинг S оқсил молекуласи яратилиб, яқин кунларда ҳайвонларда клиник олди тадқиқотларини бошлаш режалаштирилган.