Жорий йилнинг 2 апрель куни Қўнғирот туманида яшовчи 21 ёшли У. Т. (йигит) Нукус шаҳридаги 36-мактаб ёнида Қорақалпоғистон давлат университетида ўқийдиган 20 ёшли С.С.нинг (қиз) орқа қисмига хўжалик пичоғи билан уч марта урган.
У. Т. ҳодиса жойида бўлган 19 ёшли Т.А. (йигит)га ҳам пичоқ билан бир неча марта жароҳат етказган ва қочиб кетган.
Тан жароҳати олган йигит ва қиз шифохонага олиб борилган. Аммо талаба қиз 3 апрель куни олган тан жароҳати натижасида вафот этган.
Ҳодиса бўйича Нуку шаҳар прокуратураси томонидан жиноий иш қўзғатилган.
У. Т. ушланиб, унга нисбатан қамоқ жазоси тайинланган. Айни пайтда дастлабки тергов ҳаракатлари олиб борилмоқда.
