Вилоят ИИБ Пахтачи туманида бир гуруҳ фуқаролар электр энергияси йўқлигидан норози бўлиб, йўл бўйига чиққанлиги юзасидан расмий маълумот берди.
Маълум қилинишича, кеча, 5 апрель куни Пахтачи тумани “Сарой” маҳалласида яшовчи 15-20 нафар фуқаролар шу маҳаллада ўрнатилган трансформатор бузилганлиги сабабли, электр энергияси йўқлигидан норози бўлиб, М-37 йўлининг Пахтачи тумани Сарой маҳалласи ҳудудидан ўтувчи қатнов қисмини ёпишга ҳаракат қилишган.
Самарқанд вилояти ИИБ хабарига кўра, ҳодиса жойига ички ишлар ходимлари бориб, фуқаролар билан тушунтириш ишлари олиб борилиб, уйларига тарқатиб юборилган.
“Ҳозирда ушбу маҳаллага янги трансформатор олиб келиб ўрнатилмоқда”, - дейилади Самарқанд вилояти ИИБ Ахборот хизмати хабарида.