Тошкент шаҳар ИИББ Ахборот хизмати хабарига кўра, Муқаддас Рамазон ойида таровеҳ намози муносабати билан ҳар куни соат 18.00 - 23.00 орасида масжидлар яқинидаги йўллар транспорт воситалари ҳаракати учун ёпилади.
Беркитиладиган кўчалар қуйидагича:
— Лутфий кўчаси (фақат масжид томони, қарама қарши томон ҳаракат учун очиқ бўлади) Катта Қани кўчаси билан кесишмадан Катта Хирмонтепа кўчаси билан кесишган йўлгача;
— Кўкча Дарвоза кўчаси Бешқайрағоч кўчасидан Нурафшон кўчасигача;
— Келес кўчаси Норазтепа кўчасидан Гулсарой кўчасигача;
— Камолон кўчаси Самарқанд Дарвоза кўчасидан Бунёдкор кўчасигача;
— Ал-Хоразмий кўчаси Катта Қани кўчасидан Катта Хирмонтепа кўчасигача;
— Қорақамиш-3 кўчаси Қорақамиш-1 кўчасидан Келес йу́ли кўчасигача.
“Ҳолатга қараб, намозхонлар сони кўпайиб кетган тақдирда масжидга туташган бошқа йўллар ҳам ёпилиши мумкин”, - дейилади хабарда.
