Тошкент шаҳар ИИББ Ахборот хизмати хабарига кўра, 10 апрель куни тахминан соат 16.40 да Миробод туманида Меҳржон кўчасида (Дилкаш кафеси қаршисида) 65 ёшли Озарбайжон фуқароси Халик К. ишончнома асосида бошқарган Lacetti ва 28 ёшли Шохруҳ М. ишончнома асосида бошқарган Malibu тўқнашган.
Дастлабки маълумотларга кўра, тўқнашувга Lacetti ҳайдовчисининг белгиланмаган жойдан бурилиб олмоқчи бўлгани сабаб бўлган.
ЙТҲ оқибатида Lacetti йўловчиси 63 ёшли Нурония В. ҳамда иккала ҳайдовчи турли даражадаги бадан шикастлари билан шифохонага етказилди.
Бироқ Lacetti ҳайдовчиси олган тан жароҳатлари натижасида вафот этди. Мазкур факт асосида Жиноят кодексининг 266-моддаси 2-қисми бўйича жиноий иш қўзғатилди.
