Тергов департаменти хабарига кўра, 12 апрель куни соат 19:45 ларда 46 ёшли Ш. У. Термиз шаҳар Кокилдор-ота маҳалласида уйи ёнида 13 ёшли Т. Азизбек ўрик дарахтидаги ғўра (довча)ларни олаётганлигини кўриб қолади.
Ш. У. уни ҳайдаган ва жанжал вақтида пичоқни Т. Азизбекнинг қорнига бир марта тиқиб олган.
Суд тиббий экспертиза хулосасида Т. Азизбек ҳаёт учун хавфли бўлган оғир тан жароҳатлар олганлиги кўрсатилган.
Мазкур ҳолат бўйича Ш. Уралга нисбатан Жиноят кодексининг 104-моддаси 2-қисми “л” банди (Қасддан баданга оғир шикаст етказиш) билан жиноят иши қўзғатилиб, процессуал тартибда ушланган. Ҳозирда тергов давом этмоқда.
