Тошкент шаҳар Фавқулодда вазиятлар бошқармасининг хабар беришича, Яккасарой тумани Қушбеги массивида жойлашган синтепон ишлаб чиқариш цехида солир бўлган ёнғин ўз вақтида бартараф этилган.
Маълум қилинишича, ёнғин ҳақидаги хабар Фавқулодда вазиятлар вазирлигининг навбатчилик қисмига 18 апрель куни соат 20:46 да келиб тушган.
“Воқеа жойига Тошкент шаҳар Фавқулодда вазиятлар бошқармасининг 10 га яқин ёнғин-қутқарув экипажлари етиб борди. 21:21 да ёнғин қуршаб олиниб, 21:41 да тўлиқ ўчирилди”, дейилади ФВБ хабарида.
Ёнғин натижасида жабрланганлар йўқ.
