Ички ишлар вазирининг тегишли буйруғи билан генерал-майор Икрамов Азизбек Исроилович Ички ишлар вазирининг ўринбосари – Маънавий-маърифий ишлар ва кадрлар билан таъминлаш департаменти бошлиғи лавозимига тайинланди. Бу ҳақда ИИВ Ахборот хизмати хабар берди.
Тайинловга қадар у ички ишлар вазирининг жамоат тартибини сақлаш бўйича ўринбосари лавозимида ишлаб келаётганди.
Ички ишлар вазирининг ўринбосари – Жамоат хавфсизлиги департаменти бошлиғи лавозимига полковник Абдуллаев Бекмурод Тожимирзаевич тайинланди.
Тайинловга қадар Б. Абдуллаев Ўзбекистон Миллий гвардияси қўмондонининг жамоат хавфсизлигини таъминлаш бўйича биринчи ўринбосари лавозимида ишлаётганди.