22 апрель куни соат 01:20 ларда Наманган вилояти Учқўрғон туманидан ўтган Норин дарёси устидаги кўприк қирғоғига тушган 38 ёшли Х.М. 2017 йилда туғилган фарзандини ўзига боғлаган ҳолда сувга ташлади. Бу ҳақда Миллий гвардия Матбуот хизмати хабар берди.
Ушбу ҳудудда хизмат олиб бораётган Миллий гвардия Қўриқлаш бошқармаси ходими ҳамда воқеа жойидан ўтиб кетаётган йўловчи фуқаро А.А.лар томонидан аёл ва 4 ёшли бола қутқарилиб, уларга биринчи тиббий ёрдам кўрсатилган ҳамда туман тиббиёт бирлашмасига олиб борилган.
Ҳозирда мазкур ҳолат бўйича Учқўрғон туман ИИБ томонидан суриштирув ишлари давом этмоқда.