Андижон вилоятида 10-синф ўқувчилари М.У. ва Н.М. коронавирусга қарши қалбаки ПЗР таҳлили натижаларини тайёрлаб берганида ушланди.
17 ёшли йигитлар тезкор тадбирга холис харидор сифатида жалб этилган 2 фуқарога 110 минг сўмга ПЗР тестини тайёрлаб бераётганида ушланган.
Тадбир давомида М.У.нинг уйи кўздан кечирилганида, 45 дона Андижон вилояти СЭОМ ғазна кирим ордери (Форма № КО) бланкаси, 30 дона COVID-19 инфекциясига текширилган тест натижаси ҳақида маълумотнома бланкаси ҳамда 1 дона ноутбук ва 1 дона рангли принтерлар борлиги аниқланди.
Ҳозирда ҳолат бўйича терговга кадар текширув ҳаракатлари олиб борилмоқда.