Андижон шаҳрида яшовчи шахс фуқарога Андижон тумани ҳокимлигидаги мансабдор танишлари орқали чорвачилик билан шуғулланиши учун адирлик ерлардан ажратиб беришни ваъда қилган. Бунинг учун 15 млн сўм олган вақтида ушланган. Суриштирув давомида у пулларни Андижон тумани ҳокимлигидаги танишига бериши кераклиги маълум бўлган. Давом эттирилган тезкор тадбирда ҳокимлик ходими ҳам 15 млн сўмни олганида қўлга олинди. Аниқланишича, ҳокимият вакили олдин ҳам фирибгарлик жиноятини содир қилган. Жорий йил январида суд унга нисбатан ойлик иш ҳақининг 20 фоизини давлат даромади ҳисобига ушлаб қолган ҳолда 1 йил 6 ой муддатга ахлоқ тузатиш ишлари жазоси тайинланган.
