Фарғона вилояти ИИБ Ахборот хизматининг маълум қилишича, жорий йил 28 апрель куни М.С. ўзининг бошқарувида бўлган Damas автомашинасини Хонобод МФЙ ҳудудида бошқариб кетаётиб, йўлни ўнг четида тўхтаб турган Э.Ш.нинг Damas автомашинаси билан тўқнашув содир этган.
Оқибатда йўл четида турган Damas ҳайдовчиси Э.Ш. тан жароҳати олиб, шифохонада вафот этган.
Мазкур ҳолат юзасидан Қува тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми билан жиноят иши қўзғатилиб, тергов ҳаракатлари давом этмоқда.
