Тошкент вилояти ИИББ Ахборот хизмати хабарига кўра, 19 апрель куни фуқаролар С.Х. ва Х.С Ички ишлар вазирлигига ариза билан мурожаат қилади.
Улар “Муҳаммаджон” исмли шахс, Бўстонлиқ тумани “Навобод” маҳалласида жойлашган 10 гектар ерни 1,9 млн АҚШ долларига туман ҳокимлиги орқали ҳужжатлаштириб бериш шарти билан сотмоқчи эканлигини, ҳозир айтилган пулнинг 50 минг АҚШ доллари беришини талаб қилаётганлигини маълум қилган ва унга нисбатан қонуний чора кўришни сўраган.
23 апрель куни ўтказилган тезкор тадбирда, 6 киши Тошкент шаҳар Чилонзор туманида ариза муаллифлари С.Х. ва Х.С. дан $50 мингни олган вақтида ашёвий далиллар билан ушланган.
Мазкур ҳолат бўйича Жиноят кодексининг 168-моддаси (Фирибгарлик) 4-қисми “а” банди билан жиноят иши қўзғатилиб, дастлабки тергов ҳаракатлари олиб борилмоқда.