Президентнинг “Фуқаро авиацияси корхоналарини трансформация қилиш ва қўллаб-қувватлаш чора-тадбирлари тўғрисида”ги қарорида “Кетринг” МЧЖ фаолиятини ривожлантириш кўзда тутилган.
Унга кўра, жорий йил августида илғор хорижий кетринг компаниялари (Do&Co, Dnata, Gate Gourmet ва ҳкз.) билан ҳамкорлик қилиш бўйича музокаралар ўтказиш режалаштирилмоқда.
Якунда энг яхши таклиф берган компания билан ҳамкорлик йўлга қўйилади. Келаси йилдан эса хорижий компания билан ҳамкорликда борт таомлари ишлаб чиқариш ташкиллаштирилади.