COVID-19’га чалиниш бўйича антирекорд яна янгиланди

ССВ хабарига кўра, Ўзбекистонда сўнгги сутка давомида 452 та коронавирусга чалинган бемор аниқланди. Йил бошидан бери кузатилган 30 апрелдаги энг кўп касалланиш бўйича антирекорд яна янгиланди.

5 май куни янги касалланиш ҳолатларининг энг кўпи Самарқанд (85) ва Тошкент (71) вилоятида ҳамда Тошкент (229) шаҳрида рўйхатга олинди.

Шунингдек, кеча 440 нафар бемор ушбу инфекциядан соғайди. Аммо 2 бемор коронавирусдан вафот этди. Айни пайтда шифохоналарда 3544 нафар бемор даволанмоқда.