Жорий йилнинг январь-апрель ойларида Ўзбекистонга келиб тушган халқаро трансчегаравий пул ўтказмалари ҳажми қарийб 1,99 млрд АҚШ долларини ташкил этди. Бу 2020 йилнинг мос даврига нисбатан 663 млн долларга ёки 34 фоизга ошган. Бу ҳақда Марказий банк Матбуот хизмати хабар берди.
Шунингдек, чет элга юборилган халқаро пул ўтказмалари миқдори эса 478 млн долларга етган.
Натижада трансчегаравий пул ўтказмалари бўйича ижобий сальдо қарийб 1,52 млрд долларга етди.