Жорий йил 11 май куни Қорақалпоғистон Республикаси Нукус шаҳри яқинида 3 та транспорт воситаси иштирокида йўл-транспорт ҳодисаси юз берди.
Kun.uz’нинг Қорақалпоғистон ЙХҲБ Матбуот хизматига таяниб хабар беришича, Нукус-Тўрткўл йўлининг 225-километри (Чилпиқ ёдгорлиги қаршиси)да Cobalt, Nexia ва Damas ўзаро тўқнашиб кетган.
ЙТҲ натижасида жами 6 киши ҳалок бўлган.
Cobalt’даги 1 нафар йўловчи, Nexia’даги 4 нафар йўловчи ва Damas ҳайдовчиси воқеа жойида жон берган. Nеxia ва Cobalt ҳайдовчилари шифохонага ётқизилган. Уларнинг соғлиги ҳақида ҳозирча маълумот берилмаган.
Ҳозирда ҳолат юзасидан тергов ҳаракатлари олиб борилмоқда.
