Соғлиқни сақлаш вазирлиги хабарига кўра ўзбек-хитой ZF-UZ-VAC2001 вакцинасининг яна 1 млн дозаси Хитойдан олиб келинди.
Бунгача 27 март ва 27 апрель кунлари 1 млн дозалик партиялари келтирилганди.
Бундан ташқари, март ойида 660 минг доза AstraZeneca, апрел ойида 100 минг доза “Спутник V” вакциналари ҳам олиб келинган.
Шу тариқа, Ўзбекистоннинг вакцина захираси 3 млн 760 минг дозага етмоқда. Айни пайтгача фойдаланилган 1 млн 346 минг дозадан ортиқ вакцинанинг 62 фоизи, яъни 842 минг дозадан ортиғини ZF-UZ-VAC2001 ташкил қилмоқда. Шундан айни пайтгача 91 минг нафардан ортиқ юртдошимиз ўзбек-хитой вакцинасининг 2-босқичи билан ҳам эмланган.
