Тошкент шаҳар ҳокими ўринбосари Бахтиёр Раҳмоновнинг Тошкент вилояти Оққўрғон тумани Уста Нормат маҳалласи раиси Алишер Икромовни турли ножўя сўзлар билан ҳақоратлаб, унга нисбатан жисмоний куч ишлатганлиги бўйича изоҳ берилди.
Алишер Икромов ҳолат бўйича дастлабки маълумотларни берди.
Маълум қилинишича, 9 май куни у “Уста Нормат” маҳалласи Деҳқонобод кўчасида жойлашган Б. Раҳмоновнинг ота уйига чақиртирилади. У ерда ўзининг хизмат вазифасига алоқадор бўлмаган, умуман бошқа бир масаланинг бажарилмаганлиги бўйича Б. Раҳмонов томонидан турли ножўя сўзлар билан ҳақоратланган, унга нисбатан жисмоний куч ишлатилган.
Айни вақтда мазкур ҳолат Маҳалла ва оилани қўллаб-қувватлаш вазири назоратига олинган ҳамда тафсилотлар батафсил ўрганилмоқда.
Эслатиб ўтамиз, Бахтиёр Раҳмонов пойтахт ҳокими ўринбосари бўлгунига қадар Олмазор тумани ҳокими эди.