Самарқанд шаҳар ҳокимлиги ижтимоий тармоқларда трамвай ўчиб қолгани ва йўловчилар уни силжитиб кетаётгани акс этган видеолавҳага муносабат билдирди.
Маълум қилинишича, Буюк Ипак йўли кўчасида электр тармоғидаги қисқа узилиш натижасида 1012-сонли трамвай вагони чорраҳада ҳаракатдан тўхтаб қолган.
Вагон ичида бўлган йўловчилар бошқа йўналишдаги автотранспортларга ҳалал бермаслиги учун чорраҳада қолган вагонни олишга ёрдамлашган.
Кейинроқ, 2 соат ичида носозлик тузатилган ва вагон иш фаолиятини давом этирган. Ҳокимлик бу вақт давомида ҳеч қандай нохуш ҳолатлар кузатилмаганини қўшимча қилган.
