Тошкент шаҳрида 36 ёшли Spark ҳайдовчиси ЙТҲга учради. Тошкент шаҳар ИИББ хабарига кўра, бугун, 24 май куни тахминан соат 4:45 ларда Чилонзор тумани Бунёдкор кўчасида (“Uztelecom” биноси қаршисида) 1985 йилда туғилган Фаррух Ю. Spark автомобилида ҳаракатланаётиб бошқарувни йўқотган ва қарама-қарши йўналишни ажратиб турувчи тўсинга урилган.
ЙТҲ натижасида ҳайдовчи тан жароҳатлари билан шифохонага олиб борилган, бироқ шифокорларнинг уринишларига қарамасдан вафот этган. Айни вақтда воқеа сабаблари ўрганилмоқда.
Шунингдек, мазкур ҳолат юзасидан Тошкент шаҳар ИИББ Тергов бошқармаси томонидан терговга қадар текширув ўтказилмоқда.