Ўзгидрометнинг маълум қилишича, бугун кундуз куни Ўзбекистон ҳудудининг катта қисмида булутли ва ёғингарчиликсиз совуқ об-ҳаво бўлиши кутилмоқда. Фақат Фарғона водийсида куннинг иккинчи ярмида бироз ёмғир ёғади.
Ҳаво ҳарорати +8...+13 даража атрофида бўлади. Бу октябрь ойи охирги кунлари меъёридан 4-5 даража пастдир.
Эртага Ўзбекистонда булутлилик нисбатан кам бўлади, ёғингарчилик ҳатто тоғли ҳудудларда ҳам кутилмайди. Кечаси совуқ бўлади ҳамда кечаси ва эрталаб ҳарорат 0…+3 даражагача пасаяди, кундуз куни эса қуёш ҳавони +16…+19 даражагача иситади.
Якшанба куни республика бўйича ҳавода яна булут кўпайиши кутилмоқда, Ўзбекистоннинг айрим ҳудудларида бироз ёмғир ёғиши эҳтимоли бор. Тоғларда баъзи жойларда ёғингарчилик (ёмғир, қор) бўлади. Ҳаво ҳарорати кечаси +2…+7 даража, кундузи +12…+17 даража атрофида бўлади.