Ишдаги йўл қўйилган камчиликлар ортидан, “Андижон нефть базаси” МЧЖ директорининг биринчи ўринбосари – бош муҳандис Ж. Қутлиқов, Директорнинг маркетинг ва маҳсулот сотиш бўйича ўринбосари А. Қурбонов, Иқтисодий масалар бўйича директорнинг ўринбосари Б. Ёрқулов, Бош бухгалтер-бўлим бошлиғи Ф. Юсупов, Нефть маҳсулотларини сотиш, тарқатиш ва сақлаш бўлими бошлиғи А. Ибрагимов, Бухгалтерия бўлими нефть маҳсулоти учёти ва бошқа мижозлар билан ишлаш бўйича етакчи мутахассиси А. Маматқулов, “Пойтуғ” филиали бошлиғи Д. Маҳмудов, “Пойтуғ” филиали иш ҳақи бухгалтери Ғ. Раҳимов, “Пойтуғ” филиали бухгалтерия бўлими бошлиғи Қ. Тўхтасиновлар эгаллаб турган лавозимидан озод этилди.
“Ўзбекнефтгаз” АЖ Матбуот хизматига кўра, “Андижон нефть базаси” МЧЖда олиб борилган ўрганишлар натижасида, “Ўзбекнефтгаз” АЖ Молиявий ва комплаенс назорат департаменти томонидан аниқланган қонунбузилиш ҳолатлари ўрганиш ҳужжатлари, қонуний чора кўриш учун ҳуқуқни муҳофаза қилувчи давлат идораларига юборилган.
Маълумот учун, “Ўзбекнефтгаз” АЖ Бошқаруви раиси Меҳриддин Абдуллаев бошчилигида 2021 йилнинг 11 май куни ўтказилган видеоселектор йиғилишида иш фаолиятида йўл қўйган камчиликлари учун “Жиззах нефть базаси” директори М. Акбўтаев ва “Андижон нефть базаси” директори И. Болтабоев эгаллаб турган лавозимидан озод этилганди.
“Ўзбекнефтгаз” АЖ Матбуот хизмати