ИИВ Транспортда ХТББ хабарига кўра, 24 май куни соат 13:30 ларда Ховос-Тошкент йўналишидаги йўловчи электропоезди Ховос айланма йўлининг 2 км 6-пикетида 1999 йилда туғилган Т.Ш.ни уриб юборган.
Суриштирув натижасига кўра, 22 ёшли Т.Ш. Ховос туманидаги Гулбаҳор маҳалласида яшаган. Хабарда қизнинг эҳтиётсизлиги оқибатида электропоезд уриб юборгани таъкидланган.
Аёл олган тан жароҳатлари оқибатида воқеа жойида вафот этган. Ҳолат бўйича терговга қадар текширув олиб борилмоқда.