Поиск
RUUZ

Погода

Ўзбекистонда жазирама ҳаво сақланиб қолади

Синоптиклар ҳафта давомида кутилаётган об-ҳаво ҳақида маълумот берди.

746views0replies
0

Юрий Ким / UzNews.uz

Ўзгидромет хабарига кўра, ҳафта давомида Ўзбекистон ҳудудида асосан қуруқ ва жуда иссиқ об-ҳаво бўлиши давом этади.   
Фақат республиканинг тоғолди ва тоғли ҳудудларида айрим кунларда, асосан кечга яқин ва Тошкент вилоятида 1 июнда кечга томон конвектив булутлилик ривожланишида момақалдироқ билан қисқа муддатли ёмғир ёғиши мумкин.
Иш ҳафтаси давомида кўпчилик вилоятларда ҳаво ҳарорати кечалари +22...+25 даражани, кундуз кунлари +37...+39 даражани, жанубда ва чўл ҳудудларида +38...+43 даражани ташкил этади. Ҳароратнинг бундай юқори қийматлари абсолют максимум қийматларга яқинлашади, айрим туманларда ундан юқори бўлади.
31 май ва 1-2 июнда республика бўйича баъзи жойларда шамол 17-22 м/с гача кучайиши мумкин.
746views0replies
0

Комментарии