Ўзбекистон Ташқи ишлар вазирлиги Афғонистоннинг Қандаҳор вилоятидаги масжидда содир этилган террорчилик ҳаракати юзасидан баёнот берди.
«Ўзбекистон 2021 йил 15 октябрь куни Қандаҳор вилоятидаги масжидда содир этилган ҳамда кўплаб инсонларнинг ҳалок бўлишига олиб келган навбатдаги террорчилик ҳаракатини кескин қоралайди», - дейилади вазирлик хабарида.
Қайд этилишича, бундай ғайриинсоний ҳужумлар вазиятнинг янада кескинлашувига олиб келади ва Афғонистонда узоқ муддатли тинчлик ўрнатилишига тўсқинлик қилади.
«Афғонистон ҳукуматининг мамлакатда бу каби ҳодисаларнинг олдини олиш учун қўшимча чоралар кўриш ҳаракатларини олқишлаймиз», - дея қайд этилган хабарда.