1 июнь куни жиноят ишлари бўйича Мирзо Улуғбек туман судида туманнинг “Чимён” маҳалласида, Қорасув каналининг бўйидаги ўриндиқни синдирган фуқаро бўйича очиқ суд мажлиси ўтказилди. Бу ҳақда "Миллий тикланиш" партиясининг халқ депутатлари Мирзо Улуғбек туман Кенгашидаги депутати Жаҳонгир Зияев маълум қилди.
Айбдор ўз айбини тан олиб, кечирим сўради. Суд оилавий аҳволи оғирлигини маълум қилган айбдорга БҲМнинг 2 баравари (490 минг сўм) миқдорида жарима, шунингдек, 3 сутка муддатга маъмурий қамоқ жазоси тайинлади.
