ФВВ Аҳборот хизмати хабарига кўра, 7 июнь куни соат тахминан 15:52 да Навоий вилояти, Кармана тумани, Боғишамол маҳалласидаги “Zarafshon Golden Grоup” МЧЖга қарашли оҳак ишлаб чиқариш цехида технологик жараённинг бузилиши оқибатида ёнғин содир бўлган.
Маълум бўлишича, ушбу ҳодиса оқибатида корхонанинг бир нафар ишчиси воқеа жойида ҳалок бўлган. Шунингдек, ёнғинда бир нафар ФВВ ходими куйиш тан жароҳати билан РШТЁИМ Навоий вилояти филиалига ётқизилган.
Ёнғин қисқа муддат ичида бартараф этилган.
