ИИВ ЙҲХББ Ахборот хизмати хабарига кўра, 8 июнь куни соат 22:45 ларда Тошкент шаҳар, Мирзо Улуғбек тумани Қорасув-6 даҳасида Spark ҳайдовчиси автомобилнинг двигатель қисмида қисқа туташув бўлаётганлигини сезган ва уни тўхтатган.
Қисқа туташувдан сўнг автомобилда ёнғин содир бўлган.
Ёнғин ўт ўчирувчилар томонидан бартараф этилган. Ҳодиса оқибатида тан жароҳати олганлар йўқ. Автомобилга зарар етган.
Ҳолат бўйича суриштирув олиб борилиб, ёнғин юзага келиш сабаблари ўрганилмоқда.
