Ўзгидромет хабарига кўра, бугун, 10 июнь куни Тошкент шаҳрида ҳаво бироз булутли бўлади, вақти-вақти билан ўзгариб туради, куннинг иккинчи ярмида қисқа муддатли ёмғир ёғиши, момақалдироқ бўлиши мумкин. Шамол шарқдан 3-8 м/с тезликда эсади, 12-15 м/с гача кучайиши мумкин. Пойтахтда ҳаво ҳарорати +34...+36 даража бўлади.
Ўзбекистон ҳудудининг катта қисмида ёғингарчиликсиз об-ҳаво бўлиши кутилмоқда. Фақат куннинг иккинчи ярмида Тошкент, Андижон, Наманган, Фарғона вилоятларида об-ҳавонинг беқарорлигидан қисқа муддатли ёмғир ёғиши ва момақалдироқ бўлиши кутилмоқда. Баъзи жойларда шамол чангли бўрон билан 17-22 м/с гача кучайиши мумкин. Ҳаво ҳарорати +32...+37 даражани ташкил қилади.