Бугун АОКАда ўтказилган коронавирусга қарши курашиш ва аҳолини эмлашга бағишланган матбуот анжуманида Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбоновнинг таъкидлашича, республикада эмлаш тадбирларини марказлаштирилган ҳолда барча туманлардаги эмлаш пунктларига коронавирусга қарши эмлаш жараёнида фойдаланиладиган зарурий сарфловчи воситаларни етказиб бериш мақасадида ушбу воситаларнинг ҳисоб-китоби юритилган.
“Ушбу сарфловчи воситалар – оддий қилиб айтганда, шприц, спирт ҳаттоки пахта ёки хавфсиз эмлаш қутиси, яъни эмлаш жараёни тугаганидан сўнг, ушбу жараёнда ишлатилган воситалар ташланадиган қутиларгача марказлашган ҳолда барча эмлаш пунктларига етказиб берилган. Ушбу мақсадда ҳисоб-китобга кўра, 6 млрд 782 млн 300 минг сўмдан ортиқ маблағ ажратилган ва ушбу воситалар сотиб олинган” - дейди Ботир Қурбонов.