Поиск
RUUZ

Общество

Тошкент метроси Транспорт вазирлиги тизимига ўтказилди

“Тошкент метрополитени” УК 5 йилдан сўнг “Ўзбекистон темир йўллари” АЖдан чиқарилиб, Транспорт вазирлиги тасарруфига ўтказилди.

166views0replies
0

UzNews.uz

“Тошкент метрополитени фаолиятининг самарадорлигини ошириш чора-тадбирлари тўғрисида”ги президент қарори қабул қилинди.
Қарорга мувофиқ, “Тошкент метрополитени” УК “Ўзбекистон темир йўллари” АЖ таркибидан Транспорт вазирлиги тизимига ўтказилиб, “Тошкент метрополитени” давлат унитар корхонасига ўзгартирилди.
Маълумот учун, 2016 йилда пойтахт метроси "Тошшаҳартрансхизмат"дан "Ўзбекистон темир йўллари" таркибига ўтказилганди.
Қайд этилишича, 2022 йил 1 июлгача 7 та метро бекатида (“Беруний”, “Чорсу”, “Пахтакор”, “Олмазор”, “Туркистон”, “Қўйлиқ бозори”, “Чилонзор”) транспорт ўтиш боғламалари тузтлади.
Шунингдек, 2022 йилнинг 1 октябргача Тошкент шаҳрига кириб келувчи йўловчи транспортлар учун 6 та метро бекати (“Туркистон”, “Юнусобод”, “Чилонзор” ва ер усти ҳалқа линиясининг 3, 4 ва 5-бекати) атрофида автотураргоҳлар ташкил этилади. 
2022 йил 1 январдан қуйидаги маълумот ва хизматларни ўз ичига олувчи мобиль илова ишга туширилади: 
— Метрополитен йўналишлари (уларнинг қурилиши бўйича маълумотлар);
— Бекатлар (улар атрофида жойлашган объектлар ва жамоат транспорти йўналишлари);
— Поездлар ҳаракати жадвали; 
— Электрон тўлов.
Қарорга кўра, “Тошкент метрополитени” ДУК бошлиғи Вазирлар Маҳкамаси билан келишилган ҳолда транспорт вазири томонидан лавозимга тайинланади.
Таъдидланишича, “Тошкент метрополитени” ДУК 2024 йил 1 январгача республикада ишлаб чиқарилмайдиган ва тегишли рўйхат бўйича импорт товарларни олиб киришда божхона тўловларидан (қўшилган қиймат солиғи ва божхона йиғимларидан ташқари) озод этилади.
2022 йил 1 апрелгача ер усти ҳалқа метро бекати йўналишида йўловчилар учун бепул Wi-Fi тизими билан боғлаш ва ер ости метро бекатларида мобиль алоқа операторлари хизматларидан фойдаланиш имкониятлари яратилади. 
Қарор билан шунингдек, 2021/23 йилларда Тошкент метрополитенида йўловчи ташиш ва поездлар ҳаракати хавфсизлигини таъминлашга қаратилган биринчи навбатдаги чора-тадбирлар режаси тасдиқланди.
166views0replies
0

Комментарии