Юнусобод ва Яшнобод туманлари Ички ишлар органлари фаолиятини мувофиқлаштириш бошқармаларига бошлиқлар тайинланди. Бу ҳақда Тошкент шаҳар ИИББ Матбуот хизмати хабар берди.
Полковник Шермухамедов Абдумажид Мавлонович Юнусобод тумани Ички ишлар органлари фаолиятини мувофиқлаштириш бошқармаси бошлиғи этиб тайинланди.
Шунингдек, Қаюмходжаев Ойбек Абдукаримович Яшнобод тумани Ички ишлар органлари фаолиятини мувофиқлаштириш бошқармаси бошлиғи этиб тайинланди.
Эслатиб ўтамиз, шу кунга қадар Юнусобод тумани ИИО ФМБга подполковник Исраилов Жаҳонгир Шокирович, Яшнобод тумани ИИО ФМБга эса подполковник Исаев Дониёр Хожиакбарович раҳбарлик қилиб келаётган эди.