Ташқи ишлар вазирлиги баёноти Ўзбекистоннинг Ғарб давлатлари билан биохавфсизлик соҳасидаги ҳамкорлиги биологик қурол ишлаб чиқаришга мўлжалланмаганлигини маълум қилди.
Баёнотда бу борада тарқалаётган маълумотлар ҳақиқатга мутлақо тўғри келмаслиги таъкидланади.
Қайд этилишича, ҳамкорликдаги лабораториялар фақат диагностик тадқиқотлар ўтказиш ва тинчлик мақсадларидагина фойдаланиш учун мўлжалланган.
“Ўзбекистон “Бактериологик ва токсик қурол-яроғларни тақиқлаш тўғрисида”ги конвенция иштирокчиси сифатида биологик қурол-яроқларни ишлаб чиқариш ва тўплашнинг тақиқланишини таъминлайди”, - дейилади баёнотда.
Аввалроқ, мамлакатда АҚШнинг махфий биологик лабораториялари борлиги ҳақида хавотирлар айтилганди.
