Жорий йилнинг июль ойидан бошлаб Uzbekistan Airways АЖ Самарқанд – Истанбул – Самарқанд йўналишида ҳафтасига уч марттагача мунтазам қатновларни амалга оширади. Бу ҳақда авиакомпания Матбуот хизмати хабар берди.
Қайд этилишича, авиақатновлар душанба, чоршанба ва жума кунлари амалга оширилади.
⠀
Йўловчилар Самарқанд – Истанбул йўналишида авиачипталарни 2 млн 935 минг сўмдан, Самарқанд – Истанбул – Самарқанд йўналишида эса авиачипталарни 4 млн 282 минг сўмдан бошлаб сотиб олишлари мумкин.
⠀
Эслатиб ўтамиз, аввалроқ, Ўзбекистон Туркиядан келувчиларга қўйилган карантин талабини бекор қилгани ҳамда Туркиядаги эпидемиологик вазият бироз барқарорлашгани туфайли авиарейсларга ҳам рухсат берилгани ҳақида хабар берган эдик.
