Бош прокуратура департаментининг Матбуот хизмати хабарига кўра, Шайхонтоҳур тумани Ветеринария бўлими ходимлари билан ҳамкорликда тумандаги "Эски жува" деҳқон бозорида текширув ўтказилди.
Аниқланишича, фуқаро Ж.Т. тегишли ҳужжатлари бўлмаган жами 72,5 кг сифатсиз мол гўшти маҳсулотларини сотиш билан шуғулланиб келган.
Мазкур ҳолат юзасидан ЖКнинг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда.
