Тошкент шаҳар ИИББ Ахборот хизматининг хабар беришича, 2021 йил 23 июнь куни Сергели тумани Янги Сергели кўчасида Тошкент шаҳар ИИББ ЙҲХБ йўл-патруль хизмати ходими велосипедчи - 1983 йилда туғилган Зинат М.ни тўхтатди.Текширув давомида фуқаро маст эканлиги аниқланди.
Шу куннинг ўзида Мирзо Улуғбек туманидаги Зиёлилар кўчасида йўл ҳаракати иштирокчиларига халақит бераётган велосипедчига эътибор қаратилди. Велосипедчи - 1974 йилда туғилган Андрей К. маст эканлиги маълум бўлди.
Кейинроқ, Мустақиллик шоҳ кўчасида 1970 йилда туғилган Анри К.ни маст ҳолатда велосипед бошқараётганини аниқланди.
Шунингдек, Яшнобод тумани Фарғона йўлида 1980 йилда туғилган Юрий И. маст ҳолатда велосипед бошқараётганини аниқланди.
Барча қоидабузарларга нисбатан маъмурий баённомалар расмийлаштирилди.