Навоий вилояти Конимех туманида Сobalt ва Howo юк машинаси тўқнашиб кетиши натижасида икки нафар фуқаро вафот этди. Бу ҳақда Навоий вилояти ЙҲХБ Матбуот хизмати хабар берди.
Жорий йилнинг 27 июнь куни соат 14:30 да Навоий вилояти Конимех туманидан ўтган А-379 йўлида 1995 йилда туғилган фуқаро Сobalt'да ҳаракатланиб келаётиб ухлаб қолган.
Натижада, бошқарувни йўқотиб, шу йўлнинг қарама-қарши томонидан келаётган Howo юк машинаси билан тўқнашиб кетди.
ЙТҲ оқибатида Сobalt ҳайдовчиси ва унинг ёнидаги йўловчи воқеа жойида вафот этди.
Мазкур ҳодиса юзасидан Конимех тумани ИИБ томонидан тергов ҳаракатлари олиб борилмоқда.
Эслатиб ўтамиз, аввалроқ, Фарғонада Damas юқори тезликда светофорга урилгани ҳамда Сирдарёда "Жигули", Nexia-3 ва Isuzu юк автомобили иштирокидаги ЙТҲда икки нафар фуқаро вафот этгани ҳақида хабар берган эдик.
