Тошкент шаҳар Юнусобод туманида Lacetti катта тезликда бетон симёғочга урилди. Бу ҳақда ИИВ ЙҲХББ Матбуот хизмати хабар бермоқда.
Жорий йилнинг 30 июнь куни Тошкент шаҳар Юнусобод туманидаги Тошкент ҳалқа йўли "Туркистон'' кафеси қаршисида ҳайдовчи Lacetti'ни катта тезликда бошқараётиб, пиёдалар ўтиш йўлагидаги пиёдаларни уриб юбормаслик учун рулни чап томонга бурган.
Кескин бурилиш оқибатида, автомобиль аввал пиёдалар белгисига, сўнг бетон симёғочга бориб урилган.
Натижада, бетон симёғочнинг парчалари йўлнинг нариги томонидан ҳаракатланиб келаётган Spark’га теккан.
Мазкур ЙТҲ юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.
