2021 йилнинг 1 июлидан Uzbekistan Airways АЖ aлоқа-маркази йўловчилар учун 24 соатлик иш фаолиятига ўтди. Бу ҳақда авикомпания Ахборот хизмати UzNews.uz'га хабар берди.
Эндиликда фуқаролар марказ мутахассислари билан куннинг исталган вақтида боғланиб, ҳафтада 7 кун, шу жумладан байрам кунлари ҳам керакли маълумотларни олишлари мумкин.
Таъкидланишича, йўловчилар авикомпанияга қўнғироқ қилиб, COVID-19 талаблари, авиачипталар, парвоз шартлари ва жадвали ҳақидаги маълумотларни олишлари мумкин.