Тошкент вилояти Экология бошқармаси ходими Баракабек Нуруллаев халқ орасида "Нефрит" кўли дея танилган "Урунғоч" кўли қуриб қолиши ҳолатига изоҳ берди.
Унинг таъкидича, "Урунғоч" кўли аслида мавсумий кўл ҳисобланади. Апрель-май ойларида сув сатҳи кўтарилишни бошлайди ва июнь ойида максимал нуқтасига етади.
Кўл қуришининг асосий сабаби ёз мавсумида музликлар камайиб кетади ҳамда кўлдаги сув пастки сув оқимларига шимилиб кетади. Кўл доимий қуриб турмайди, сув кўп бўлган вақтда кўлдаги сув яна тикланади.