Ўзгидромет хабарига кўра, 21-22 октябрда Ўзбекистон ҳудудига Каспий денгизи орқали Кавказ ҳудудлари устида шаклланган нам ва совуқ ҳаво массалари кириб келади.
21-22 октябрда республика бўйича баъзи жойларда ёмғир ёғади. Тоғ олди ва тоғли ҳудудларда ёмғир ва қор кўринишидаги ёғингарчилик бўлади.
«Ёғингарчилик баъзи жойларда кучли бўлиб, кўринувчанлик ёмонлашади», - дейилади хабарда.
Ҳаво ҳароратининг 10-13 даражага тушиши ва 21 октябрда кундузи +8…+13, 22 октябрь куни кечаси -2…+3 даражагача бўлиши кутилмоқда.
21-22 октябрда республика бўйича баъзи жойларда шамол тезлиги секундига 15-20 метргача кучайиши мумкин.