Қорақалпоғистонда автобус ва “Газ-5312“ иштирокидаги ЙТҲ натижасида 2 киши ҳалок бўлди. Бу ҳақда ИИВ ЙҲХББ Матбуот хизмати хабар берди.
Маълум бўлишича, Қорақалпоғистоннинг Кегейли туманида Нукус шаҳрига ҳаракатланаётган автобусга Чинбой тумани айланма йўли орқали ҳаракатланаётган “Газ-5312“ юк машинаси келиб урилган.
Натижада, 1 киши воқеа жойида вафот этган. Оғир тан жароҳати олган яна икки киши шифохонага ётқизилган. Аммо, улардан бир нафари шифохонада вафот этган.
Қайд этилишича, "Газ-5312" юк машинаси мавсумий техник кўрикдан ўтмагани аниқланган.
Ҳозирда мазкур ЙТҲ сабаблари ўрганилмоқда.