Бухоро вилояти ИИБ Матбуот хизматининг хабар беришича, 2021 йил 13 июль куни соат 19:00 да Жондор тумани “Самончуқ” маҳалласидаги дала майдонида, туманнинг "Истиқлол" маҳалласида яшовчи, 1981 йилда туғилган Ф.З. исмли шахс ишқий муносабатда бўлиб келган ўзи билан бир маҳаллада яшовчи 39 ёшли Ж.М. исмли турмушга чиқмаган қизни рашк қилиб, у билан жанжаллашган.
Жанжал оқибатида эркак аёлнинг бўйин ва кўкрак соҳасига ошхона пичоғини 9 марта санчиб, оғир тан жароҳати етказган. Натижада, жабрланувчи Ж.М. воқеа жойида вафот этган.
Аниқланишича, Ф.З. аёлнинг яқинда ишга жойлашганини эшитган. Шунинг учун, уни бошқа эркаклардан рашк қилиб, пичоқлаб ўлдирган.
Мазкур ҳолат юзасидан Ф.З.га нисбатан ЖКнинг 97-моддаси (қотиллик) 1-қисми билан жиноят иши қўғатилиб, айбланувчига нисбатан қамоққа олиш тарзидаги эҳтиёт чораси қўлланилган ва ҳозирги кунда дастлабки тергов ҳаракатлари олиб борилмоқда.
